2018-жылы Кышкы Олимпиада оюндары Түштүк Кореянын Пхенчен шаарында өтөт. Эл аралык олимпиада комитети Түштүк Африканын Дурбан шаарында болгон жыйынында ушундай бүтүмгө келгенин 6-июлда жарыя кылды. Акыркы 16 жылда Эл аралык олимпиада комитетинин мүчөлөрү биринчи жолу добуш берүүнүн биринчи айлампасында эле кышкы спорттук мелдеш өткөрүлчү жайды аныктады. Пхенчен шаарына Германиянын Мюнхен жана Франциянын Анси шаарлары атаандаш болуп жаткан.
