Линктер

ишемби, 10-декабрь, 2016 Бишкек убактысы 16:48

Жапония Кыргызстанга жардам берет


Жапониянын өкмөтү Кыргызстанга 3 долбоорду ишке ашыруу үчүн 268 миң доллар грант берет. Нарын шаарында баштапкы билим берүүнү жакшыртуу үчүн 52,8 миң доллар каражат каралган. Бул долбоордун алкагында шаардагы 2 бала бакча жана 1 мектепке керектүү эмеректер алынат. Ат-Башы районундагы 4 мектеп менен 2 бала бакчага керектүү эмеректерди алуу үчүн 112 миң доллар берилет. Нарын облусундагы суунун сапатын аныктоочу лабораторияларды жакшыртуу үчүн 103,4 миң доллар бөлүнөт. Бул долбоордун алкагында 19 мектеп, 1 колледж, 1 академия, 2 бейөкмөт уюм суунун сапатын текшерүүчү жабдуулар менен камсыз болушат. Гранттык келишимдерге тараптар эртең кол коюшат.

Адамдын негизги керектөөлөрүн камсыздоого багытталган Жапониянын гранттык программасы Кыргызстанда 1996-жылдан тарта иштеп келет. Бүгүнкү күнгө чейин өлкөдө бул программанын алкагында 3,2 миллион долларлык 71 долбоор ишке ашырылган. Бул туурасында Жапониянын Кыргызстандагы элчилигинин маалымат кызматы кабарлады. (AzK)

Азаттык Фейсбукта

XS
SM
MD
LG