Бүгүн Чүй облусунун Сокулук районуна караштуу Ново-Павловка айылынын кыркка чукул тургундары Ак үй алдына нааразылык акциясына чыкты. Алар өкмөттөн жерге болгон мораторийди алып салууну талап кылышууда. Аталган айылдын тургуну Калбүбү Медетбекованын “Азаттыкка” айтымында, аларга жер тилкесин бөлүп берүү чечими мурда эле чыгарылган. Бирок мораторийге байланыштуу жер берилбей турат. Новопавловкалыктар азыр биринчи вице-премьер-министр Өмүрбек Бабановдун чыгып, түшүндүрмө берүүсүн суранууда. (КЕ)
