Казакстан: мамкызматчылар казак тилин билүүгө тийиш

Бул тууралуу өлкөнүн Мамлекеттик кызмат боюнча агенттигинин башчысы Алихан Байменов билдирди. Анын айтымында, алар мамлекеттик кызматчылар үчүн казак тилинен милдеттүү сынакты күчөтүүнү мерчемдөөдө.

Байменов белгилегендей, балким мамлекеттик кызматчылар казак тилин билер-билбесин айында кеминде бир ирет текшерип туруу керек болот. Анткени жакындагы текшерүү кээ бир мамлекеттик кызматчылар эмгек өргүүсүн алуу боюнча арыздарын казак тилинде сабатсыз жазганын көрсөттү.