6-сентябрда Биринчи май райондук сотунда “Мегакомдогу” акча которуулар боюнча күнөөлөнүп жаткан Раушан Рыкунованын иши териштириле баштайт. Бул тууралуу “Азаттыкка” Жогорку Соттун басма сөз катчысы Бакытбек Рысалиев кабарлады. Маалыматка ылайык, бул соттук жараян ачык өтөт. Бирок коопсуздукту камсыз кылуу үчүн соттук иштин бардык катышуучулары атайын тизме менен киргизилет. Раушан Рыкунова болсо, апрель окуяларынан кийин “Мегакомдон” акча чыгарып кетпегенин айтып келет. (KKs)
