Коопсуздук боюнча мамлекеттик комитеттин төрагасы Кеңешбек Дүйшөбаевдин билдиргенине караганда, өткөн сегиз айда Кыргызстан боюнча террордук-экстремисттик уюмдарга тиешелүү деп шектелген 47 киши кармалды. Алардын ичинен эл аралык террорчул уюмга тиешеси бар эки адам жок кылынып, кармалгандардын бешөө Орусиянын, Кытайдын жана Казакстандын карамагына өткөрүлүп берилген. Ушу тапта башкы чекист Кеңешбек Дүйшөбаев кыргызстандык журналисттер үчүн өз мекемесинде маалымат жыйынын өткөрүп жатат. (BuS)
