АКШнын мамлекеттик катчысынын жардамчысы Роберт Блейк кыргыз президенти Роза Отунбаеванын командасын өлкөнү демократиялаштыруу жана былтыртан берки кырдаалды жөнгө салуу боюнча ишин мактады. Бул тууралуу ал Нью-Йоркто Роза Отунбаева менен жолугушуусу учурунда айтты. Тараптар кызматташтык маселелерин да талкуулашты деп билдирет президенттин басма сөз кызматы. Кыргыз мамлекет башчысы парламенттик демократия жолунда жасалып жаткан конкреттүү чаралар тууралуу айтып берди. (RK)
