Линктер

жекшемби, 11-декабрь, 2016 Бишкек убактысы 06:17

Табалдиев: Жаныш Бакиевдин келгени боюнча маалымат так эмес


Жаныш Бакиев Кыргызстандын аймагында Адахан Мадумаров жана Элмурза Сатыбалдиев менен жолуккандыгы тууралуу маалымат так эмес. Бул тууралуу бүгүн Бишкекте өткөн пресс-конференцияда президенттик аппараттын коргоо жана коопсуздук бөлүмүнүн башчысы Бусурманкул Табалдиев айтты. "Эгер ал чын эле келген болсо биздин тиешелүү органдар билет эле да", -деди ал.

Бир жарым ай мурда Оштун Өзгөн районуна караштуу Салам-Алик айылында мурдагы президенттин иниси Жаныш Бакиев менен мурдагы Баш прокурор Элмурза Сатыбалдиев жана "Бүтүн Кыргызстан" партиясынын лидери Адахан Мадумаров жолугуп, чай ичишкен деп 21-сентябрда Жогорку Кеңештин депутаты Бактыбек Калмаматов айтып чыккан.

Апрел окуяларына чейин Мамлекеттик күзөт кызматын жетектеп келген Жаныш Бакиевге 7-апрелде Бишкекте митингчилердин өлтүрүлүшүнө байланыштуу кине тагылган. Андан тышкары бийликтегилер аны президенттик администрациянын мурдагы жетекчиси Медет Садыркуловду өлтүрүүгө буюртма берген деп күнөөлөп жатышат. Жаныш Бакиевге эл аралык издөө жарыяланган. (RK)

Азаттык Фейсбукта

XS
SM
MD
LG