Тажикстандагы коррупция жана мыйзамсыздык тууралуу жазган журналист Махмадюсуф Исмоилов 14 жылга эркинен ажыратылышы мүмкүн. Бул тууралуу 29-сентябрдагы соттук отурумда прокурор айтты. Исмоиловду калп айтты, улуттук, расалык жана диний араздашууга үндөдү деп соттоп жатышат. "Нури зиндаги" деп аталган гезиттин кабарчысы Исмоиловду камакка былтыр ноябрь айында алышкан. Анын кесиптештери жана жергиликтүү укук коргоочулар соттук териштирүүнү токтотууну талап кылып, ал саясый куугунтуктун курмандыгы болууда деп жатышат. (RK)
