Жогорку Кеңеш Кыргызстанда “чөнтөк сотторду” түзүүчү өзгөртүүлөр үчүн добуш бербеши керек. Бул тууралуу Сот системасын көзөмөлдөө боюнча жарандык кеңеш билдирет. Аталган бирикменин бүгүн жарыяланган билдирүүсүндө учурда парламент карап жаткан соттордун статусу жөнүндөгү мыйзамга жана сотторду тандоо боюнча кеңеш тууралуу мыйзамга өзгөртүү киргизүү коомдук дискуссиянын натыйжасында иштелип чыккан мыйзам долбоорунун мазмунун бурмалай тургандыгы айтылат. Президент жана парламенттин айрым депутаттары коомдук пикирди эске албастан көз карандысыз сот системасын түзүүнү каалабай жатышат деп эсептейт жарандык кеңеш.(RK)
