Москванын Пирогов атындагы №1 клиникалык ооруканасынын нейрохирургия бөлүмүнө башынан оор жаракат алып түшкөн Кыргызстандын жараны Жаркын Токтобаевге операция жасалды. Бул тууралуу Орусиядагы кыргыз элчилигинен кабарлашты. Учурда ал реанимациядан жалпы бөлүмгө которулду. Жаракаты оор болгондуктан, анын эс тутуму начарлап, өзү жөнүндө толук маалымат бере албай жатат. Токтобаев Ош облусунун Кара-Суу районуна караштуу Отуз-Адыр айылында туулганы маалым болду. Жаракат алышынын себеби аныктала элек. (RK)
