Ливиянын борбору Триполиде бийликтен кулатылган Муаммар Каддафинин куралчан тарапкерлери менен жаңы өкмөттүн күчтөрү кагылыша кетти. Баш калаанын четиндеги Абу Салим деген жерде ок атышуу болгону маалымдалууда. Курмандыктар тууралуу азырынча кабарланган жок. Каддафи август айында Улуттук утурумдук кеңештин аскерлери Триполини өз көзөмөлүнө алганда бийликтен кулатылган. Азыр ага жан тарткан күчтөрдүн колунда Сирт жана Бани Валид шаарлары гана калды.
