Британиянын коргоо министри Лиам Фокс кызматынан кетти. Анын алдында ал коргонуу тармагында иш алып барган бизнесмен менен дос мамиледе деген маалыматтар пайда болгон эле. Ал бизнесмен өкмөттө расмий кызмат ээлебегени менен өзүн министрдин кеңешчиси деп тааныштырчу деп айтылууда. Премьер-министр Дэвид Камеронго жолдогон катында Фокс “жаңылыштык кылып, өкмөттөгү иши менен жеке кызыкчылыктарын бөлгөн чектен чыгып кеткенин” айткан.
