28 өлкөнүн элчилери Брюсселдеги жыйынга чогулушууда. Франциянын президенти Николя Саркози “альянстын Ливиядагы аскерий интервенциясы соңуна жакындаганы айкын болуп калды” деди. Өлкөнүн карапайым элин коргоо максатында БУУнун мандаты менен башталган операциянын алкагында НАТОнун учактары 31-марттан бери Каддафинин согуштук объектилерине сокку уруп, деңиз жээгинде курал эмбаргосунун сакталышына көзөмөл жүргүзүп келишкен.
