Президенттик шайлоо үчүн үгүт иштеринин жүрүшүндөгү мыйзам бузуулар боюнча тогуз кылмыш иши ачылды. Бул тууралуу “Азаттыкка” Ички иштер министрлигинин басма сөз кызматынан кабарлашты. Жалпы үгүт маалында мыйзамга туура келбеген аракеттер боюнча 17 арыз катталган. Алардын бешөөнө иш козгоодон баш тартылды. Үгүт иштеринин жүрүшүндө катталган мыйзам бузуулардын катарына бейбаштык, башка бирөөнүн мүлкүнө атайылап залака келтирүү, уурдоо өңдүү аракеттер кирет. (KKs)
