Казакстан Британиянын мурдакы премьер-министри Тони Блэрди экономикалык кеңешчи кылып алды. Казакстандын Тышкы иштер министрлигинин маалымдашынча, Блэр «Казак өкмөтү экономикалык саясат, мамлекеттик башкаруу жана эл аралык саясат боюнча масилетчи болуу тууралуу чакыруусуна жооп берген” бир нече чет жерлик ырасмий адамдын бири. Блэрдин жардамчысы экс-премьер “чөнтөгүн толтурду” деген маалыматты төгүнгө чыгарып, ал “эл аралык кеңешчилер командасын түзгөнгө жардамдашканын” билдирди. Блэр буга дейре Жакынкы Чыгыш боюнча төрттүктүн чабараманы болуп иштеп жаткан.
