Үч талапкер шайлоого катышуудан баш тарткандыгы тууралуу арыздарын БШКга беришти. Бул тууралуу кабарчыбыз Кубат Касымбеков Боршайкомдон маалымдайт. Алар - Алмамбет Матубраимов, Жумабек Токтогазиев жана Роман Оморов. Матубраимов менен Оморов ОТРКда өткөн теледебат учурунда мындан аркы ат салышуудан баш тарткандыгы тууралуу айтышкан. Токтогазиев бүгүн кечинде теледебатка катышмак. Эгерде үчөөнүн тең арызын БШК канааттандырса, талапкерлердин саны 16 болот. Президенттик шайлоо 30-октябрда өтөт. (KKs/RK)
