БШК төрагасы Туйгуналы Абдраимовдун билдиришинче, Сузак районунун Барпы айылындагы шайлоо бекетинде бюллетендерди тобу менен урнага салуу аракети болгон. Мындай аракеттер талапкер Алмазбек Атамбаевдин ишенимдүү өкүлдөрүнүн кайрылуусунан кийин тастыкталган. Бул аракетти кимдер жасаганы ачыкталган жок. Буга чейин маалымдалгандай, Боршайкомго түшкөн кайрылуу, арыздар каралып чыгып, мыйзам бузууга жол берген адамдар жоопко тартылмакчы. (KKs)
