Ошто шайлоочуларды коргоо комитети түзүлдү

Бул тууралуу “Азаттыкка” президенттикке талапкер Адахан Мадумаровдун Ош облусу боюнча штаб жетекчисинин орун басары Маматжан Абдукаримов кабарлады.

Анын айтымында, 3-ноябрда митингге чыккан жарандар айрым шайлоо участкаларында мыйзам бузуулар болгонун белгилешип, аны көзөмөлдөбөгөнү үчүн губернатор Сооронбай Жээнбековдун кызматтан кетишин талап кылышты.

Адахан Мадумаров, Камчыбек Ташиевдин тарапкерлери жана өздөрүн тизмеден таппай калган шайлоочулар бүгүн да митингди улантат. (КЕ)