Ооганстанда курман айттагы намаздан кийинки жанкечтинин кол салуусунда сегиз кишинин каны төгүлдү. Түндүктөгү Баглан дубанынын бийликтери кол салуу мечиттин жанында болгондугун билдирүүдө. Жергиликтүү өкмөттүн өкүлү Амир Гүл курмандыктардын экөө тартип коргоочулар, калгандары карапайым адамдар экендигин бышыктады. Ооганстандын ички иштер министрлиги каза болгондор жети, ал эми жарадарлар 15 деп айтууда.
