Кыргызстандын Башкы прокуратурасы студенттердин арасында мыйзамдын улуктугу жөнүндө жазылган эссе, ой-толгоолордун сынагын жарыялады. Сынакка жогорку окуу жайлардын юридикалык факультеттеринин студенттери катыша алышат. Башкы прокуратуранын маалымат кызматынан билдиришкендей, ачык сынактын жыйынтыгы өлкөнүн прокуратура органдарында иштеген кызматкерлердин кесиптик майрамына карата чыгарылат. Прокурорлордун кесиптик майрамы Кыргызстанда 22-ноябрда белгиленип келүүдө. (RK)
