Атамбаевди түркмөн президенти куттуктады

Кыргызстандагы президенттик шайлоонун жеңүүчүсү аталган Алмазбек Атамбаевди Түркмөнстандын президенти Гурбангулы Бердымухаммедов куттуктады. Бул тууралуу Атамбаевдин шайлоо штабынан кабарлашты. Түркмөн президенти Атамбаевге жакшылыктарды жана бул кызматта өлкөнүн гүлдөп өнүгүшү үчүн кызмат кылышын каалады.

Шайлоо 30-октябрда өткөн. Расмий жыйынтыгы айтыла элек. Алдын ала эсептөөлөр боюнча, Атамбаевге шайлоочулардын 63 пайыздайы добуш беришкен. (RK)