Бүгүн Бишкекте майыптар жасаган буюмдардын көргөзмөсү ачылат. Бул тууралуу "Азаттыкка" Майыптар конгрессинин жетекчиси Бүбүсара Калыкова билдирди. Анын айтымында, көргөзмөгө ден соолугу жагынан мүмкүнчүлүгү чектелген жарандардын колунан жаралган токулган, өрүлгөн жана башка буюмдар коюлат. Иш-чара 3-декабрь, Майыптардын эл аралык күнүнө карата уюштурулууда. 2001-жылы түзүлгөн Майыптар конгрессинин катарында 400дөн ашуун адам бар. Кыргызстанда мүмкүнчүлүгү чектелген адамдардын толук кандуу билим, тарбия алып, эмгектенип, каражат табуусуна шарттар түзүлгөн эмес. (RK)
