Өкмөт кызматтан чегинди, бирок иштеп жатат

Алмазбек Атамбаев президенттик кызматка киришкенине байланыштуу өкмөт башчылыкты тапшырды. Өлкө башчынын буйругуна ылайык, өкмөт толугу менен кызматтан чегинди, бирок жаңысы түзүлгүчө өкмөт мүчөлөрү милдетин аткарып турушат. Мыйзам боюнча премьер-министрдин милдетин аткаруу биринчи вице-премьер Өмүрбек Бабановго тапшырылды.

Өкмөттү Жогорку Кеңештеги коалициялык көпчүлүк түзгөн. Жакынкы күндөрү коалиция да тарашы ыктымал экени айтылууда. Буга чейин парламенттеги Социал-демократтар фракциясынын лидери Чыныбай Турсунбеков коалиция жаңыртыларын “Азаттыкка” маалымдаган болчу. (EBM)