Бүгүн Бишкекте "Жаңы багыт" деп аталган программа коомчулуктун назарына сунушталды. Анын автору, Жогорку Кеңештин "Ата Мекен" фракциясынын депутаты Равшан Жээнбековдун айтымында, программа кабыл алынса, бюджеттик чыгашалар 50 пайызга кыскарат, коррупцияга каршы күрөш башталат. Жээнбеков премьер-министрлик кызматка өзүн көрсөтө турганын бүгүн расмий жарыялады. Учурда Кыргызстанда жаңы парламенттик коалицияны түзүү боюнча сүйлөшүүлөр жүрүп жатат. Коалиция түзүлсө жаңы өкмөттүн курамы бекитилет, премьер-министр шайланат. (KE/RK)
