Ысык-Көл райондук соту казакстандык эс алуучу Ерлан Балмахаевди өлтүрдү деп кыргызстандык Нурлан уулу Кайратты 16 жылга кести. Бул тууралуу "Азаттыкка" Жогорку Соттун маалымат катчысы Бактыбек Рысалиев билдирди. Аны менен кошо дагы 3 адам 5, 3 жана 1 жылга эркинен ажыратылышты. Быйыл августта көлгө эс алганы келген Балмахаевди катуу сабап, тоноп кетишкен. Ооруканадан ал өзүнө келе албай көз жумган. (RK)
