Кыргыз эл акыны, "Азаттыктын" кабарчысы Шайлообек Дүйшеев Кыргызстандын Токтогул Сатылганов атындагы мамлекеттик сыйлыгынын лауреаты болду. Бул тууралуу "Азаттыкка" Маданият жана туризм министрлигинен кабарлашты. Сыйлык Дүйшеевге "Эки дөөнүн кармашы" аттуу китеби үчүн ыйгарылды. Быйыл Токтогул сыйлыгы ырчы Роза Аманова жана сүрөтчү Темирбек Мусакеевге да берилди. "Азаттыктын" жалпы жамааты сыйлык ээлерин куттуктайт жана мындан аркы чыгармачылык ийгиликтерди каалайт. (SJ/RK)
