Бишкектеги 45 жеке саунага карата чектөөлөр киргизилди. Бул тууралуу "Азаттыкка" Энергетика жана өнөр жай министрлигинен кабарлашты. Аталган сауналардын жылуулук системалары электр энергиясынан ажыратылды. Алардын кээ бирлери көмүр жакканга өтсө, айрымдары дизелдик генераторлорду колдонуп жатышат. Жалаң гана электр менен иштеген сауналардын көбү иштебей калды. Ушул айдын 19,20, 21леринде Бишкекте аба ырайынын сууктугу 20 градустан ашып, эл электр жылыткычтарын ашкере пайдалангандыктан көп зымдар чыдабай, бир нече күн бою жарыксыз, газсыз калгандар болгон. Нааразылар жол тосушкан. (KE/RK)
