Түркмөн парламенти жаңы саясий партияларды түзгөнгө жол ачкан мыйзамды кабыл алды. Жергиликтүү маалымат булактарынын билдиришинче, жаңы мыйзамда партиянын укуктары, жоопкерчилиги, өкмөт жана башка уюмдар менен карым-катнашы, партияны түзүүнүн жол-жобосу ачык көрсөтүлгөн. Эми мыйзамга президент кол койууга тийиш. Бир күн мурда президент Гурбангулы Бердимухаммедов шайлоочулар менен кездешүүдө көп партиялуулукту колдоорун жана көз карандысыз маалымат булактарына мүмкүндүк берүү керек экенин айткан. Түркмөнстанда азыр расмий катталган бир гана партия бар.
