Билим берүү жана илим министрлигинин басма сөз кызматы билдиргендей, кышкы сессия маалында жогорку окуу жайлардагы паракорчулукка каршы күрөш жана көзөмөл күчөтүлүүдө. Маалыматка ылайык, эгер жогорку окуу жайдын кайсы бир кызматкери пара алып жатканда кармалса, ал үчүн окуу жай ректору да жоопко тартылат. Коррупциялык аракеттерге бөгөт коюу үчүн министрликте 62-05-19 номерлүү ишеним телефону иштеп жатат. Ички иштер министрлигинин маалыматына ылайык, Кыргызстанда билим берүүчү мекемелер эң көп коррупциялашкан тармактарга кирет. (KKs)
