Кыргыз Республикасынын Өзгөчө кырдаалдар министрлигинин гидрометеорология боюнча агенттигинин болжолдоосуна ылайык, 20-январдан 22-январга чейин жаан- чачынга байланыштуу Кыргызстандын тоолуу райондорунда, Ош жана Жалал-Абад облустарынын тоолуу унаа жолдорунда кар көчкүсүнүн түшүүсү жана жолдордун тайгак болуусу күтүлүүдө. Кар көчкү жүрүүчү аймактардагы жолдордо унаалардын ортосундагы 500 метр аралык сакталышы зарыл. Бул тууралуу Өзгөчө кырдаалдар министрлигинин маалымат катчысы Абдишарип Бекилов кабарлады. (RK)
