Жаза аткаруу кызматынын басма сөз кызматкери Элеонора Сабатарованын “Азаттыкка” билдиришинче, Кыргызстандын абактарындагы ачкачылык жарыялагандардын саны 6 миңден ашты. Алардын ичинен 1300дөн ашууну ооздоорун төөнөп алышкан. Ошол эле учурда Бишкектеги биринчи тергөө абагындагы бир камерада отургандар тамак иче башташты. Бүгүн эртең мененки маалымат боюнча, ачкачылык жарыялаган 600дөй адам дарыгерлерге кайрылууга аргасыз болушту. Кыргызстанда 17 жабык мекеменин 13үндө ачкачылык уланууда. (KKs)
