Президент Алмазбек Атамбаев апрелде Бириккен Улуттар Уюмунун соода-сатык жана өнүгүү маселеси боюнча конференциясына катышыт. Бул тууралуу бүгүн мамлекет башчысы Катар мамлекетинен келген Qatar Holding уюмунун жетекчиси Ахмад Мухаммад аль Сайед менен жолугушуусунда айтты. Конференция апрелде өтөт. БУУнун алкагында соода-сатык маселелерин талкуулоо менен катар жогоруда аталган холдинг менен эки тараптуу кызматташтык мамилелерин өркүндөтүү келечеги да талкууланат. Qatar Holding Катардагы падышалык үй-бүлөнүн каржы иштери менен алектенүүчү инвестициялык уюм болуп эсептелет. (RK)
