Линктер

жекшемби, 11-декабрь, 2016 Бишкек убактысы 04:26

Казакстанда камалган саясатчынын укугу бузулганы айтылууда


Алия Турусбекова казак Коопсуздук комитетинин түрмөсүнүн жанында. 26-январь, 2012-жыл.

Алия Турусбекова казак Коопсуздук комитетинин түрмөсүнүн жанында. 26-январь, 2012-жыл.

Катталбаган “Алга” партиясынын лидери Владимир Козловдун жубайы Алия Турусбекова камактагы күйөөсүнүн укуктары бузулуп жатканын кабарчыларга бүгүн билдирди. Турусбекованын айтымында, Коопсуздук боюнча мамлекеттик комитеттин офицерлери ага жубайы менен жолугушууга жана кийим-кечек, тамак-аш киргизүүсүнө мүмкүндүк бербей жатат. Мындай аракет Козлов камалгандан бери жасалууда.

Турусбекова кошумчалагандай, жубайы камалгандан бери аны менен адвокаты да бетме-бет кездеше албай жүрөт.

Камактагы саясатчынын жубайынын бул айыптоолоруна карата казак бийликтери азырынча комментарий бере элек.

Катталбаган “Алга” партиясынын лидери Владимир Козловду Казакстандын Коопсуздук боюнча мамлекеттик комитети Жаңы-Өзөн шаарында 16-декабрда болгон кан төгүүгө байланыштуу 26-январда камакка алып, ага “социалдык кастыкты козуткан” деген айып таккан.(UE)

Азаттык Фейсбукта

XS
SM
MD
LG