Орусиянын 30дан ашуун шаарында “Адилет шайлоо” кампаниясын колдоо иретинде авто жүрүштөр өттү. Москвадагы акцияга оппозиционерлер Илья Яшин, Борис Немцов, Сергей Митрохин катышты. Машинелер Кремлге жакын жерди айланышты. "Азаттыктын" Орус кызматынын кабарчылары билдиришкендей, тартип коргоочулар борбордук көчөлөрдүн айрымдарын чектеп салышкан. Ага чейин Санкт-Петербургда да полициячылар жүрүшкө тоскоолдук түзүшкөнү айтылган. Ульяновск шаарында акциянын 3 катышуучусу кармалган.
