Кыргызстандын Орусиядагы элчилигинин иши талданат

Кыргызстандын Орусиядагы элчилигинин ишин иликтеген мекемелер аралык комиссия бүгүн парламенттин Эл аралык иштер боюнча комитетине маалымат берет. Акыркы кезде элчилиликке байланыштуу арыздар көбөйүп, аларды териштирүү үчүн комиссия түзүлгөн болчу.

Айрым маалыматтарга караганда, азыркы элчи Улукбек Чыналиев кызматтан алынып, анын ордуна Мамлекеттик каттоо кызматынын төрага орун басары Болот Жунусов дайындалганы жатат. (EBM)