Борбордук шайлоо комиссиясынын автоматташтырылган системасына ылайык, Караколдо добуштардын 70 пайыздан ашыгы эсептелип бүттү. Анын жыйынтыгы менен шайлоого катышкандардын 20 пайызга чукулунун добушун топтоп, Социал-демократтар партиясы биринчи орунга чыкты. Андан соң 11 пайыздык көрсөткүч менен “Республика” партиясы келе жатат. “Союз” деп аталган шайлоочулар тобу 10 пайыздык жыйынтык менен үчүнчү катарда турат. Бирок жергиликтүү кеңешке талапкерлерин көрсөткөн “Кыргызстан жаштар кеңеши” шайлоо бурмалоолор менен коштолгонун билдирүүдө. Караколдогу аймактык шайлоо комиссиясы болсо бул билдирүүлөргө жооп бере элек. (KKs)
