Американын Миссисипи жана Алабама штаттарында Республикачылар партиясынан президенттикке ат салышчу талапкерди тандап жатышат. Акыркы сурамжылоолор көрсөткөндөй, бул жолу эки ири ишкердин: Массачусетс штатынын мурдагы губернатору Митт Ромни менен өкүлдөр палатасынын мурдагы спикери Ньют Гингричтин ортосунда кармаш катуу жүрчүдөй болуп калды. Консерватор саясатчы, буга чейин бир канча штаттарда алдыга озуп чыккан Рик Санторум жогорудагы эки талапкерден 8-10% гана артта келатат. Республикачылардан утуп чыккан саясатчы жайында партиянын съездинде президенттикке талапкер катары расмий көрсөтүлөт. Ал ушул күздө өтчү президенттик шайлоодо азыркы президент Барак Обама менен жарышка түшөт.
