Ысык-Көл облусунун ички иштер башкы башкармалыгынын жетекчиси Жалил Илипбаев ээлеген кызматынан бошотулду. Бул тууралуу “Азаттыкка” облустук милициянын маалымат катчысы Сталбек Усубакунов билдирди. Баш прокуратура кызматтык текшерүү жүргүзүп, Жалил Илипбаев башка өлкөнүн да жараны экенин аныктаганы айтылууда. Облустук милициянын жетекчиси болуп Мырзабек Исмаилов дайындалды. Исмаилов буга чейин Ички иштер министрлигинин маңзаттардын мыйзамсыз жүгүртүлүшүнө каршы күрөшүү башкармалыгынын жетекчисинин орун басары болуп иштечү. (MK/RK)
