Кордун директорлор кеңеши Афинага берчү 130 миллиард евро өлчөмүндөгү көмөктүн экинчи пакетинин чегинде кечээ Грекияга 28 миллиард евро бөлүү чечимине келишти. Дал ушундай сунушту буга чейин Эл аралык валюта корунун башчысы Кристин Лагард айтып чыккан эле. Бир жарым миллард евро Грекияга токтоосуз берилмей болду. Сумманын негизги бөлүгүн Евросоюз бөлөт. Грекия карыздарды кайра карап чыгуу боюнча жеке инвесторлор менен макулдашкандан кийин гана Эл аралык валюта кору акыркы чечимди кабыл алды.
