“Душманчыл күчтөр ракета учуруу планын үзгүлтүккө учуратабыз десе өтө жаңылышат” деп жазды Пхеняндын Мамлекеттик Борбордук кабар агенттиги. Кошмо Штаттары, Түштүк Корея жана Жапония бул планды согуштук максаттагы сынак деп сынга алышууда. Себеби ушундай эле типтеги ракета менен алыс аралыкка атуучу ядролук дүрмөттү учурса болот. Вашингтон Түндүк Кореяга азык-түлүк жардамын токтото тургандыгын эскертүүдө.
