Орусияда сот индустардын ыйык китебин «актады»

Орусиянын Томск шаарында сот индустардын ыйык китебинде экстремисттик материал жок деп тапты. Ошону менен Томскинин райондун соту андан төмөнкү соттун декабрдагы бүтүмүн күчүндө калтырды.

"Бхагавад Гитанын" орусча котормосунда Харе Кришна кыймылынын негиздөөчүсү Свами Прабxуpаданын кириш сөзү болгондуктан, прокурорлор бул китепке тыюу салууну каалашкан.

Индиянын тышкы иштер министри Кришна бул аракетти "индустардын улуу цивилизациясынын руханий байлыгын түшүнбөөчүлүктүн кесепети" деп мүнөздөгөн.