Линктер

бейшемби, 8-декабрь, 2016 Бишкек убактысы 10:16

Жергиликтүү кеңештерге шайлоолор жыйынтыкталууда


Балыкчы шаардык кеңешке депутаттарды шайлоодо добуштардын баары саналып бүттү. Бул тууралуу “Азаттыкка” аймактык шайлоо комиссиясынын төрагасы Александр Гудков кабарлады. Борбордук шайлоо комиссиясынын автоматташтырылган системасындагы маалыматка ылайык, “Республика” партиясы 12,81% добуш алып алдыга чыкты. Ал эми Социал-демократтар үчүн шайлоочулардын 12,49, “Замандаш-Современник” – 10,84, “Ата-Мекен” партиясына 8,7% добуш берген. “Кыргызстан жаштар кеңеши” 6,61, “Данакер” – 5,4, “Баястан-жыргал kg” – 5,27, “Кумтөр элдики” шайлоочулар тобу 5,12% добушка ээ болду. Шайлоого жалпысынан 6 партия, 11 шайлоочулар тобу катышты. Шайлоочулардын 45,59% добуш берди. Талапкерлер 31 орун үчүн ат салышты.

Мындан сырткары 25-мартта Жалал-Абад облусунун Аксы районундагы Авлетим, Ысык-Көл облусунун Жети-Өгүз районундагы Оргочор, Ош облусунун Алай районундагы Будалык, Чүй облусунун Аламүдүн районундагы Арашан, Ысык-Ата районундагы Милянфан айылдык кеңештерге жана Кемин шаарчасына депутаттарды шайлоо өттү. (КЕ)

Азаттык Фейсбукта

XS
SM
MD
LG