Линктер

logo-print
дүйшөмбү, 05-декабрь, 2016 Бишкек убактысы 02:15

Өрт кырсыгы эки күндө эки адамдын өмүрүн алды


Өткөн түнү Чүйдүн Сокулук районундагы айыл-чарба кооперативдеринин биринин короосунда өрт чыгып, бир адамдын өмүрүн жалмады. Сырты темир, ичи жыгачтан жасалган кароолчунун жайы толугу бойдон күйүп кетти. Өрт чыккан жерде денеси 60 % күйүп калган кароолчу, 1957-жылы туулган Динова Вера Сергеевнанын сөөгү табылды. Кырсыкка тиричилик электр шаймандарын пайдаланууда өрт коопсуздук эрежелеринин сакталбаганы себеп болгону айтылууда.

25-марттан 26сына караган түнү да Талас шаарынын Манас көчөсүндө жайгашкан №36 үйдө өрт чыккан. Ал жерде эркек кишинин күйүп калган сөөгү табылды. Анын ким экени такталууда.

Өзгөчө кырдаалдар министрлигинин маалымат катчысы Абдишарип Бекилов быйыл январ-февралда Кыргызстандын аймагында өрт кырсыгында 13 адамдын өмүрү кыйылганын, алардын бешөө өспүрүмдөр экенин "Азаттыкка" кабарлады. (RK)

Азаттык Фейсбукта

XS
SM
MD
LG