Элчи Майкл Макфол кечээ өзүнүн Твиттердеги микроблогунда “Каякка барбайын, мени НТВ телеканалынын журналисттери тосуп алышат. Алар менин планымды алдын ала кайдан билишет?” деп жазды. Адам укугун коргоочу Лев Пономарев кечээ элчи анын ишканасына келгенин, бирок сыртта 20 мүнөткө жакын элчини журналисттер түрдүү суроолорду жаадырып кармап калышканын билдирди. Бирок журналисттер Макфолдун бул жакка келээрин кайдан билишкенин айтышкан эмес.
