Мурда бул кызматты Ким Чен Ындын декабрь айында каза болгон атасы Ким Чен Ир аркалап келген. Түндүк Кореядагы башкаруучу Жумушчу партиясынын кечээ Пхеньянда өткөн жыйынында Ким Чен Ынды партиянын биринчи катчылык кызматына бекитишти. Бул кызмат анын атасына түбөлүк деп чечилген. Кечээки жыйын Түндүк Кореянын түптөөчүсү Ким Ир Сендин туулган күнүнүн жүз жылдыгына арналып өттү.
