Президент Борис Тадичтин Либерал-демократиялык партиясынын бүгүн билдиришкендей, алар социалисттер менен коалиция түзүүнү макулдашышты. Башкаруучу коалицияда аларга оңчул-ортомчул партиялардын бири колушат деп күтүлүүдө. 6-майда өткөн парламенттик шайлоонун жыйынтыгында биринчи орунга улутчул Прогрессивдүү партия чыккан эле, бирок ал оппозицияда калат. Ошентип, президенттик шайлоонун 20-майда өтө турган экинчи айлампасында социалисттер Борис Тадичти колдой турган болушту. Ал өткөн айда шайлоону мөөнөтүнөн мурда өткөрүш үчүн президенттиктен кеткен. Экинчи айлампада ал Прогрессивдүү партиянын лидери Томислав Николич менен беттешет.
