Лондондогу Жайкы Олимпиадага барчу орусиялык спортсмендерге жана делегация мүчөлөрүнө Олимпиадалык оюндар учурунда арак-шарап ичимдиктерин ичкенге тыйуу салынды. Орустардын “Коммерсант” гезити бул жөнүндө Олимпиадалык делегация үчүн жооптуу вице-премьер-министр Дмитрий Козактын “Олимпиадалык баалуулуктар алкогол менен сыйышпайт” деген сөзүнө шилтеп кабарлады. Гезиттин жазышынча, Олимпиадада орусиялык спортсмен медаль жеңген болсо да, делегация мүчөлөрү аны майрамдайбыз деп ичимдик ичишине уруксат жок.