Жалал-Абад облусунун Аксы районунда Кара-Суу айыл аймагынын Жүзүмжан айылында 22-майда көлөмү 500 куб метр жер көчкү түштү. Түшкөн жер көчкү Өмүров Субаналынын мал сарайын басып калган, адам өмүрүнө жана малга зыян келтирилген жок. Кооптуу абал дагы эле сакталып жаткандыктан эки үй-бүлө туугандарыныкына көчүрүлдү. Бул тууралуу "Азаттыкка" Өзгөчө кырдаалдар министрлигинин маалымат катчысы Абдишарип Бекилов билдирди. (RK)
