Казакстан: жол кырсыгында өлгөн офицердин айдоочусу табылбай жатат

Алматынын өзгөчө кырдаалдар бөлүмү билдиргендей, казак армиясынын жөө аскерлер боюнча кол башчысынын орун басары мерт кеткен жол кырсыгына тиешеси бар деп шектелген айдоочу табылбай жатат.

Апта соңунда полковник Даурен Кенжебаев ал бараткан машина аңтарылып, сугат каналына кулап түшкөндө каза тапкан. Дагы бир мартабалуу офицер, полковник Радий Шакшабаев аман калып, азыр ооруканда. Тергөөчүлөрдүн айтымында, унаанын айдоочусу Алман Назандын кайда экендиги белгисиз.